Омикрон варијантата влијае не горниот респираторен систем, што значи дека белите дробови кај повеќето пациенти заразени со омикрон се поштедени. Сепак, тоа со себе носи симптоми кои засега тешко е да се разликуваат од обична настинка, па луѓето често и не одат на тестирање.
Ако во последно време сте биле болни, а не сте се тестирале, овие знаци би можело да укажуваат на тоа дека сте имале токму омикрон варијанта на КОВИД-19.
КЛУЧНИ СИМПТОМИ
Досега, температура, кашлица и губење на сетилото за мирис беа сигурни знаци дека имате КОВИД-19. Тоа со омикрон се промени. Сега најчести симптоми се болно грло или пецкање во грлото, течење на нос, главоболка, замор и болки во телото. Професор Том Спектор, шеф на студија што ги следи симптомите на КОВИД-19, вели дека сите со овие симптоми треба да се тестираат.
- Сите во семејството се разболеле еден по друг
Општо, респираторните вируси се многу заразни, сепак КОВИД-19 моментално е најдоминантен во светот. Исто така, за омикрон се покажа дека се пренесува многу полесно отколку претходните варијанти и тешко е некој да не се зарази, ако е во контакт со заразено лице.
Поради тоа, ако сте биле болни и сте забележале дека сите дома се разболуваат еден по друг, веројатно во прашање бил омикрон сојот.
- Дигестивни проблеми
Според најновите извештаи, заразените со омикрон јавуваат и дека имаат дигестивни тегоби. Повраќање, мачнина и губење на апетитот се поврзуваат со омикрон варијантата.
Опаѓање на косата во големи количини
Алопеција или опаѓање на косата е вообичаен симптом кај многумина кои прележале КОВИД-19. Стручњаците ова го препишуваат на емоционалниот стес, леукоцитите или отпуштањето на проинфаламторни цитокини како одговор на телото на вирусот. Затоа, ако одеднаш сте забележале дека ви паѓаат прамени коса, а не сте се тестирале, можно е да сте прележале инфекција со омикрон.
- Инфекција на окото или осип
Според лекарите, очна инфекција иличуден осип на ножните прсти, може да биде знак дека сте прележале омикрон КОВИД-19.
Иако се благи, ако почувствувате симптоми, останете дома, изолирајте се и следете ги симптомите. Носете маска и држете дистанца, особено од оние најранливите категории на луѓе.
