Кога се чувствуваме лошо, лесно само си поставуваме дијагноза претпоставувајќи дека станува збор за настинка. Но, настинката не е секогаш само настинка. Важно е да се знае разликата помеѓу настинка и нешто сериозно по здравјето, што бара посета на лекар.
Доколу сметате дека имате само настинка, но сепак сте загрижени дека може да станува збор и за нешто повеќе, потребна е лекарска консултација. Тоа е особено важно ако веќе имате астма, алергија, дијабетес, болест на бубрезите или автоимуна болест. Истото важи и за бремените жени и сите лица помлади од шест години или постари од 65 години.
Симптомите траат повеќе од 4 дена – Вообичаената настинка обично поминува во рок од 4-5 дена. Почнува со болно грло, затнат нос, а потоа се развива во кашлица. Додека кашлицата и течењето нос може да се задржат, повеќето симптоми треба да исчезнат о четири дена. Ако имате настинка, на крајот добро ќе се чувствувате по неколку дена одмор и многу течности. Ако симптомите траат подолго, можно е, велат стручњаците, да имате нешто посериозно, како мононуклеоза или грип.
Симптомите се повлекле, па се вратиле – Можеби во почетокот сте имале настинка, но која имуниот систем е загрозен, може да се случи лицето да развие нешто посериозно – стрептокока, воспаление на велите дробови или инфекција на синусите.
Имате висока температура – Можно е во тек на настинката да имате температура, но таа не е вообичаена, особено ако е висока. Ако имате повеќе од 38 степени Целзиусови, тоа може да биде знак за стрептокока. Повеќето заболени ќе развијат висока температура во првите неколку дена од болеста. Ако не се лекува може да предизвика ревматска треска и да доведе до сериозни проблеми со срцето.
Проблеми со дигестијата – Мачнини, повраќање и пролив обично не се состојби кои ја следат настинката, така што овие симптоми може да сигнализираат нешто посериозно, како грип.
Тешки главоболки – Лекарите ги земаат предвид тешките главоболки, особено ако се проследени со температура и вкочанетост на вратот, бидејќи тоа може да биде знак за менингитис. Од друга страна, притисок или главоболка околу очите и носот може да бидат знак на инфекција на синуси. Овој вид на главоболка може да се влоши ако се наведнете нанапред.
Болки во градите или отежнато дишење – Иако кашлањето е нормален симптом, не смее да биде толку силно и да предизвика отежнато дишење, свиреж или болка во градите. Овие симптоми не смеат да се занемарат, со оглед дека проблемите со дишењето може да бидат аларм за бронхитис или воспаление на белите дробови, додека болката во градите, стегањето и наглото губење на здивот може да сигнализираат на белодробна емболија.
Симптомите се јавуваат во одредени ситуации – Може да биде многу тешко да се разликува алергија од настинка, бидејќи имаат слични симптоми. Доколку забележите дека симптомите се влошуваат откако сте излегле надвор или со домашното милениче или имаат танеденција на појавување и губење со одредено годишно време, веројатно имате алергија. За да ја одредите точната причина, следете ја историјата на симптомите и нивното појавување.
