Емоционалното занемарување на детето е многу силно во своите ефекти. Тоа се појавува кога родителите не успеваат доволно да реагираат на потребите на децата додека ги растат. Емоционалното занемарувње е невидливо, незапамтено искуство со кое се можеби сте се соочиле додека сте растеле. Сепак, иако може ви е непознато, тоа може да виси над вас како облак и го обликува вашиот живот како возрасни луѓе.
Откако ќе пораснете, чувствувате дека нешто не е во ред, но не знаете што е тоа. Постојано се прашувате каде сте згрешиле. Сепак, тоа не е ваша грешка. Постојат одговори.
Следните шест знаци покажуват дали сте биле емоционално занемарени како дете, а тоа се одразило на вас откако пораснавте.
Чувство на празнина
Ова чувство се разликува од еден до друг човек. Кај едни, тоа е празно чувство во стомакот, градите и грлото, кое се појавува и исчезнува. Кај други, тоа е тапо чувство.
Нереална самопроценка
Дали ви е тешко да сфатите за што сте способни? Кои се вашите силни страни, а кои се слабостите? Што ви се допаѓа? Што ви е важно? Доколку имате проблеми да одговорите на овие прашања, тоа е знак дека сте емоционално занемарувани во детството и дека не се познавате доволно себе.
Не разговарате за своите проблеми?
Дали сте кон себе многу покритични, отколку кон пријателите. Дали пријателите со вас зборуваат за своите проблеми, а на вас ви е тешко да се отворите и да ги кажете своите?
Чувство на вина, срам, бес кон себе
Вина, срам и бес – се е насочено кон вас. Некои имаат тенденција веднаш да чувствуваат вина и срам, кога ќе им се случи некоја негативна случка. Дали се срамите од нешто што многумина не би се засрамиле? Работи како што се грешки, потреби и чувства?
Чувство на недостатоци
Ова е силно чувство кога знаете дека нешто не е во ред со вашиот живот, но не можете да сфатите што е тоа.
Тешкотии при чувствувањето, идентификувањето, управување или изразувањето на емоциите
Дали ви се врзува јазикот кога сте вознемирени? Дали имате ограничен речник на емоции? Често сте збунети околу тоа зошто луѓето (па и вие самите) чувствуваат или постапуваат на начини на кои тоа го прават?
