Нервниот или емоционалниот слом, на техничко ниво, е категоризиран како стресна ситуација која доведува до неможност на лицето нормално да функционира во секојдневниот живот. Нервниот слом вообичаено е предизвикан од стрес и анксиозност, кога лицето се чувствува преплавено во некој аспек од својот живот, што најчесто вклушува работа, односи и пари.
Но, нервниот слом всушност не е здравствена состојба, самото име не е ниту медицински израз, туку со него се опишува ситуација која укажува на тоа дека треба да решите некои ментални проблеми. Тоа е всушност состојба на умот и начин како телото зборува дека ја преминало својата граница на издржливост и дека треба да поработите на своите емоции.
Овие се шест рани знаци на предупредување на емоционален слом кои не треба да ги игнорирате.
- Неправилна работа на срцето
Нервниот слом може да се идентификува преку неколку физички симптоми, но неправилната работа на срцето е најчестиот. За време на нервен слом, може да почувствувате како срцето ви чука од градите, што го отежнува дишењето. Ова може да го влоши проблемот и да ви оневозможи да се смирите.
- Напнатост и главоболка
Стресот и вознемиреноста можат да бидат извор на интензивни главоболки. Тие имаат способност да се манифестираат физички, но ние најчесто сакаме да останат скриени во нас што предизвикува напнатост во телото, која на крајот „се движи“ во главата и предизвикува болка. Обидете се да дишите длабоко и да го исправите држењето на телото што ќе им помогне на мускулите на вратот да ослободат од притисок.
- Неправилен сон
Кога сте под стрес, ноќниот одмор може да биде недостижен сон. Несоницата може да ве држи будни со часови, да ве разбуди неколку пати во текот на ноќта или да ве разбуди премногу рано. Но, понекогаш, интензивниот стрес може да предизвика прекумерно спиење, но ќе се разбудите со чувство дека не сте спиеле добро и може да посакате да останете во кревет цел ден.
- Желудочни проблеми
Стресот, нервозата и вознемиреноста можат да предизвикаат акутни и хронични болки во желудникот. Дигестивниот систем е директно поврзан со нашето ментално здравје, па кога не работи, најверојатно е затоа што и нашиот мозок има потешкотии со функционирањето. Високото ниво на стрес често е предизвикувач на синдром на нервозно дебело црево, поттикнат од реакцијата на имуниот систем на стресот.
- Неможност за концентрација
Уште еден знак на нервен слом е неможноста да се концентрирате. Вашиот ум предолго бил фокусиран на премногу работи, а сега му е невозможно да се фокусира на една одредена задача.
Одредена доза на стрес може да ја зголеми функцијата на мозокот и да ни помогне да се концентрираме, но хроничниот стрес има моќ да го направи токму спротивното. Во најтешките случаи, стресот може целосно да ја попречи способноста на мозокот да ја задржи меморијата.
- Анксиозност
Стравот обично поттикнува анксиозност, која не се гледа веднаш поради чувството на парализа. Но, кога ќе сфатите дека навистина сте анксиозни, добро е да пробате природни начини на релаксација како јога, престој во природа и длабоко дишење.
