Постојат три основни знаци на вистинска клиничка депресија. Доколку се соочите со нив, лекарите советуваат веднаш да побарате стручна помош.
Првиот знак е поврзан со сонот и пореметување со исхраната. Тоа значи неочекувано да се будите сред ноќ, да имате проблеми со јадењето и да имате неоправдано неспокојство. Сето ова може да претставува знак за нова или за веќе зрела депресија.
Пореметување на расположението е втор знак. Ако лицето се чувствува различно во текот на денот, треба да се замисли. Истото важи и за сезонската цикличност: подобро е да се обрне внимание на ненадејното влошување на општата ментална состојба во определени периоди од годината.
Третиот знак е анхедонијата, која претставува состојба на неможност да се доживее задоволство од активности и социјални ситуации кои вообичаено будат позитивно чувство. Ова лице не е импресионирано од вкусна храна, уметнички дела, пријатни настани. Ако овие нешта не ви предизвикуваат никаква радост, веројатноста дека патите од депресија е огромна.
Според психијатрите, 20 % од луѓето во светот барем еднаш ги почувствувале симптомите на депресија.
Светската Здравствена Организација тврди дека во светот има 300 милиони пациенти со вистинска депресија.
Иако ова се потврдени податоци, за жал, во многу култури депресијата се уште се смета за нешто срамно и многу луѓе едноставно не се обраќаат за стручна помош и не се регистрираат. Таква состојба погрешно се смета за привремена слабост, а не за болест.
