Болката во дојка кај жените, која може да се јави во било кој период од животот, позната е како масталгија. Додека кај најмалку 70% од жените се јавува болка во дојката во било кој период од жвиотот, само околу 15% бара медикаментозен тратман. Тежината и локализацијата на болките варираат. Болката може да се појави во една или двете дојки или во пазувите.
Интензитетот на болката варира од блага до интензивна и типично се опишува како засилена чувствителност, остра болка, болка во вид на жарење, односно напнатост во дојките.
Хормонските промени заради менструација, бременост, лактација, односно менопауза, имаат значително влијание во настанокот, како и во карактерот на болката на дојката. Хормонските промени поради месечниот циклус, бременост, лактација, односно менопауза имаат значаен удел во појавата, како и во карактерот на болката во дојките. Болката во дојките може да се појави пред или после менупаузата, но е најчеста кај младите жени во периодот на предменопаузата, додека се уште постои интензивна хормонска активност.
ПРИЧИНИ
Цисти во дојките – Без оглед на големината или формата на дојките, некои имаат поголем ризик од појава на различни болни состојби. Повремено во дојките може да се развијат промени на ниво на каналите или самите жлезди кои ќе резултираат со формирање на цисти. Цистите се шуплини исполнети со течност кои може да бидат меки и цврсти, со или без болки. Големината на цистите варира за време на менструалниот циклус, што укажува на нивната хормонска природа. Многу често исчезнуваат кога ќе настапи менопаузата.
Лекови – исто така може да бидат причина за болки во дојката. Лекови кои може да доведат до оваа состојба се: лечење на стерилитет, орални контрацептиви, примена на естроген и прогестерон во постменопаузата, антидепресиви, метил допа, спиринолактон, некои диуретици… Жените со болка во дојките би требало да разговараат со својот лекар за да се исклучи можноста дека лековите се потенцијална причина за оваа состојба.
Операција на дојките – претходни операции на дојките и формирање на лузни може исто така да предизвикаат болка во дојките.
Фиброцистична болест на дојката – Кај жените кои се во предменопауза како и кај оние во периодот на постменопауза кои се на супституциона терапија може да се развијат промени на дојката во смисла на цврсти, чувствителни и отечени дојки кои се појавуваат заради насобирање на течности во дојките. Овие промени се често проследени со формирање на цистични промени во дојките како и промени во сврзното ткиво на дојката. Оваа состојба се нарекува фиброцистична болест на дојката.
Маститис- претставува воспаление на ткивото на дојката кое најчесто се јавува во периодот на лактација, кога млечните канали се запушени. Сепак, оваа состојба може да се јави и надвор од периодот на доење. Симптомите се покачена телесна температура, болки во градите, црвенило и оток.
Несоодветен градник –Болките во дојката може да бидат причинети и од несоодветен градник. Доколку градникот е премногу опуштен или стегнат, тој не ги држи убаво градите, па доаѓа до појава на болка.
Карцином на дојка – Повеќе карциноми на дојка не предизвикуваат болка. Сепак, ифламаторниот карцином на дојка и некои тумори може да доведат до чувство на непријатност во дојките, напнатост и појава на болка. Доколку градите се тврди, болката не поминува, постои секреција од брадавиците или симптоми на инфекција кои долго траат потребно е да посетите лекар.
Болката во дојките се класифицира во две основни категории: циклична и нециклична.
Цикличната болка се опишува како болка која е во корелација со хормонските промени за време на менструалниот циклус. Оваа болка обично се појавува или се влошува две недели пред самата менструација.
Нецикличната болка за разлика од цикличната воопште не е поврзана со менструалниот циклус. Има тенденција да се појавува кај жените во постменопаузалниот период меѓу 40 и 50 години. Овој тип на болка во дојките често се опишува како константно или повремено чувство на напнатост, жарење и воспаление.
