Постојат многу работи кои може да го зајакнат имунитетот, но и оние кои го ослабнуваат. Слабиот имун систем го зголемува ризикот од појава на инфекции и воспаленија. Добра вест е дека може да се контролираат работите кои го ослабуваат имунитетот.
СТРЕС – Луѓето често го занемаруваат влијанието на стресот. Факт е дека стресот во голема мера го слабее имуниот систем. Хроничниот стрес, кој е предизвикан со ситуации и случувања, кои траат подолг временски период, ја подигаат вредноста на кортизолот во телото и ја намалуваат вредноста на простагландинот. Простагландините се хормони кои ја поттикнуваат работата на имуниот систем, ги шират крвните садови и имаат антивоспалително дејство. Хроничниот стрес може телото да го направи помалку отпорен на настинка и на грип, но и на многу сериозни болести како што се болести на срцето и дијабетес.
Вежбите за опуштање се одлична навика. Во слободно време правете го она што го сакате и што ве опушта. Многу луѓе, спас од стресот пронашле низ различни физички активности, медитација и дружење со блиските.
НЕЗДРАВА ИСХРАНА – Претерана консумација на рафиниран шеќер, обработена и конзервирана храна, хемиски адитиви и пестициди, го слабеат имуниот систем. Едно истражување докажало дека моќта на белите крвни зрнца (леукоцити) значително опаѓа по внесот на шеќер, а тие се оние кои се борат против бактериите.
АЛКОХОЛ – Алкохолот, како и шеќерот го намалува дејството на белите крвни зрнца и на тој начин го слабее имунитетот. Штетата која се нанесува на имуниот систем, расте пропорционално со зголемениот внес на алкохол.
СОН – Без потребната количина на сон, имуниот систем нема можност да се опорави. Секој ден станува се послаб. Недостатокот на сон ќе ја намали вредноста на белите крвни клетки, кои му помагаат на телото да се одбрани од болести.
Бројни истражувања докажале дека недостатокот на сон (помалку од 7 часа) го зголемува ризикот од настанување на разни болести, вклучувајќи грип, настинка и дијабетес.
ГОЈАЗНОСТ – Гојазноста може значително да го намали имунитетот. Белите крвни клетки не може нормално да се мултиплицираат, да произведуваат антитела и да спречат воспаленија. Истражување спроведено на лабораториски глувци покажало дека гојазноста ја намалува оптималноста на имуниот систем и оневозможува правилна борга против бактериите и вирусите.
НЕДОВОЛНА ФИЗИЧКА АКТИВНОСТ – За време на умерена физичка активност се забрзува циркулацијата, а тоа овозможува отстранување на токсичните материи од телото. Редовна физичка активност долгорочно ќе ја подобри циркулацијата, а таа ќе ги поттикнуе антителата и белите крвни зрнца. Доволно се само 20 минути вежбање или шетање за да се подобри имунитетот. Според едно истражување, оние кои не вежбаат, имаат дури два пати поголем ризик од зараза од грип или настинка.
ПУШЕЊЕ – Цигарите содржат повеќе од 4000 различни хемикалии и сите се токсични за телото. Колку е поголем внесот на токсини, толку имунитетот е послаб. Исто така, самата изложеност на димот од цигарата (пасивно пушење), може да го ослаби имунитетот, да ги влоши симптомите на астма и алергии.
ДЕХИДРАЦИЈА – Преку зима често се заборава на правилниот внес на вода. Научниците истакнуваат дека луѓето најправилно внесуваат вода преку летните месеци. На зима може да дојде до дехидрација која предизвикува хроничен замор, го намалува квалитетот на спиењето и го слабее имунитетот. Секоја клетка од телото е изградена од вода и почнува да умира ако не ја добие доволната количина на вода.
