Стресот претставува ментална, емоционална или физичка тензија која се јавува како последица од секојдневните обврски и случувања. Таа тензија често води до грижи, збунетост, чувство на тага или анксиозност, од кои е потребно да се ослободиме, за повторно да се чувствуваме слободно и опуштено. Постојат бројни активности кои може да помогнат во борбата против стресот, а една од нив е чистењето.
Како чистењето го намалува стресот
Чистењето и стресот всушност имаат доста заедничко. Кога чистиме, се обидуваме да го средиме нередот, а слично е и кога се обидуваме да се ослободиме од стресот – сакаме да ја исчистиме тагата, анксиозноста, тензијата, збунетоста…
Пренасочување на мислите
Кога го чистиме домот, тоа бара мислите да се насочат кон она што го работиме. За да направиме ред, што прво да исчистиме, од каде да почнеме и слично, потребно е да го вклучиме мозокот, што значи дека ќе ги свртиме мислите од она што всушност не мачи. Тоа може да помогне и при стресот – како што е ефикасно отстранувањето на прашината од предметите кога чистиме, тие исти напори може да помогнат и да ги отстраниме грижите од животот. Тоа ќе помогне и мислите да ги насочиме кон позитивните и успешни исходи, а тогаш полесно ќе најдеме решение за се…
Физичката активност ќе ви помогне при менталното опоравување
Со години експертите ги фалат ефектите од физичката активност за менталното здравје. Бидејќи чистењето бара физичко движење, тоа е активност која ќе помогне да согориме некоја калорија, да ја забрзаме работата на срцето, и да ослободиме малку ендорфин.
Движете се од соба во соба, качувајте се и симнувајте се по скали, наведнувајте се, истегнувајте се… Пуштете музика, во ќе ви даде дополнителна мотивација. Така ќе ја повратите енергијата која ќе ве крене, не само физички, туку ќе ви ги зајакне и умот и емоциите. Ќе се чувствувате подобро, ќе имате енергија и ќе бидете подготвени за нови предизвици.
Расчистете ги и домот и умот
Чистењето е едноставна активност која може позитивно да ги пренасочи мислите од одредените притисоци и тензии. Кога ќе го средите домот, имате чувство на контрола, како и се да е во ваши раце, а тоа може да ви ја подигне самодовербата, и да направи подобро да се чувствувате.
