Не е новина дека чоколадото е добро за здравјето, првенствено затоа што штити од дијабетес и мозочен удар. Ова се неколку причини зошто секојдневно да се засладувате.
Освен што го намалува ризикот од инфаркт, осносно консумирањето чоколадо е исклучително важно за одржување на еластичноста на ѕидовите на крвните садови и флексибилноста на артериите. Само 10гр добро одбрано чоколадо (она со најмалку 50% какао) дневно може да спречи срцев удар. Чоколадото чува и од мозочен удар, а за тоа ви се доволни 60гр дневно.
Истовремено, го зголемува нивото на серотонин во мозокот кој го отстранува хроничниот замор.
Парадоксално или не, чоколадото е добар сојузник и при превенција од дијабетес, со тоа што, во овој случај треба да се јаде чоколадо со 85% какао. Исто така, чоколадото е природен аспирин, а заеднично им е противвоспалително дејство. Значително го намалува хормонот на стрес во телото. И не само тоа, туку го заменува со хормони на среќа.
Го активира и мозокот, па на студентите им се препорачува да ја консумираат 2-3 часа пред испит, или кога е потребно да се биде дополнително сконцентриран и фокусиран. Чоколадото (но само она горкото) го намалува апетитот.
