Истражувањата покажале дека децата во Јапонија се најсреќни и најздрави, а Јапонците генерално се нација која има најдолг животен век.
На децата брзо им досадува едноличната исхрана, што доведува до промена на нивните прехранбени навики. Затоа Јапонците настојуваат за своите деца да обезбедат разноврсна храна. Според научниците, децата кои јадат разноврсна исхрана, како возрасни јадат поздрава храна.
Од друга страна, една од клучните причини зошто некои луѓе не сакаат одредена храна е тоа што како мали јаделе јадења што не им се допаѓале. Затоа на децата треба да им се сервира храна во помали количини, која треба да ја изедат цела, а да не се прејадат.
Ако им се верува на најновите истражувања, редовните семејни оброци, исто така, благотворно делуваат на здравјето на детето, а најдобро е ако детето го вклучите и во приготвувањето на оброкот, затоа што на тој начин ќе работи на развивањето на сопствените прехранбени навики.
Важно е да се истакне дека здравиот живот многу зависи и од физичките активности. Јапонците често пешачат или користат велосипеди. Тие ги поттикнуваат своите деца да ја сфатат сериозноста на физичките активности, и видеоигрите да ги заменат со прошетка во парк.
Исто така, родителите во Јапонија сметаат дека со децата треба да се биде флексибилен и со разговор да се решаваат проблемите со нив.
