Рацете најчесто се еден од првите показатели колку вниманието му посветуваме на телото. Кожата на прстите понекогаш пука токму поради тоа што рацете се најизложениот дел од телото. Причините за пукање на кожата на прстите најчесто не се сериозни, иако понекогаш може да бидат предизвикани од медицински состојби.
Ова се некои од причините за пукање на кожата на прстите на рацете:
- Често миење на рацете – пречестото миење раце со агресивен сапун ги отстранува заштитните масла од кожата и ја прави сува, со што таа станува подложна на пукање. Најдобро е да се нанесува крема за раце по секое миење на рацете и да се намали контакт со сапун или сапуница.
- Климатски услови – неповолни климатски можат негативно да влијаат на рацете и да предизвикаат пукање на кожата на прстите.
- Нега на рацете (или недостаток на истата) – негата на рацете е исклучително важна компонента за меки прсти, дланки и неиспукана кожа.
- Генетика – некои лица општо имаат поголема предиспозиција за пукање на кожата, како на телото, така и на рацете. Имајте на ум дека кожата на рацете и на прстите со стареењето може да стане сува, особено ако изостанува редовна нега.
Најчести медицински состојби поврзани со пукање на кожата на прстите, може да бидат:
- Егзем на рацете (дерматитис) – егземата е состојба при која делови на кожата се воспалуваат, стануваат црвени и предизвикуваат јадеж, а може да се појават и меурчиња.
- Псоријаза – станува збор за автоимуна болест која предизвикува црвени, воспалени дамки на кожата (најчесто на места какоо лактите, коленото, прстите)
- Алергиски контактен дерматитис – контакниот дерматитис се јавува кога лицето доаѓа во непосреден контакт со одредени материи на кои е алергична.
