Психолошкиот феномен „дежа ви„, го претставува она често чувство дека нешто веќе сме виделе или доживеале. Дежа ви во превод од француски јазик значи „нешто веќе видено„, или промнезија во грчкиот јазик познато како „предсеќавање„.
Станува збор за силен впечаток дека веќе сме преживеале одреден момент, иако тој се случува за прв пат.
Фројд изнел теза која го објаснува овој феномен како поранешно потиснато и заборавено доживување. Повеќето стручњаци немаат рационално објаснување за оваа психолошка појава. Додека една група научници ја поддржуваат тезата дека дежа ви се потпира на емоционалните реакции кои се јавуваат како одговор на слични случувања, други пак сметаат дека станува збор за временска разлика или јаз помеѓу самиот момент на доживувањето, проживувањето и помнењето.
Британскиот професор Крис Мулин, кој се занимава со изучување на помнењето, дежа ви го објаснува како последица, односно резултат на “збрка“ во помнењето.
Од Државниот институт во Колорадо, велат дека во прашање е поинаква мозочна „грешка„. Професорка по когнитивна психологија Ен Клири, истакнува дека проблемот е во нашето сеќавање, нешто што се случува и го активира сеќавањето на слично искуство од минатото, но мозокот не успева да се сети. Самот факт дека не постои соодветно рационално објаснување за оваа психолошка појава, ја потврдува тезата дека уште доста треба да се научи за функционирањето на мозокот.
