Нутриционистката Сузи Барел на својот блог открила како постот му помага на човековиот организам и препорачува секоја возрасна личност еднаш неделно да има ден кога ќе одбегнува масна храна.
Според неа ова се главните предности на постот:
- Ги „ресетира“ хормоните
Хормоните влијаат на нашата тежина, особено ако постои сериозна нерамнотежа во телото.
„Додека губењето на тежината е поврзано со некои видови работа, постот всушност има позитивен ефект на нашите воспалителни маркери, односно холестеролот, шеќерот, инсулинот и крвниот притисок“, вели таа. Долгорочното контролирање на тие маркери го намалува ризикот од заболување од разни болести, како што се дијабетес тип 2, болести на срцето и некои видови рак.
- Ни помага да јадеме помалку
Во последните пет до десет години оброците драстично се зголемиле заради што се повеќе луѓе се дебели.
„Може да се каже дека повеќето од нас јадат премногу секој ден. Постот е полесен начин да се потсетиме колку всушност јадеме и колку малку ни е потребно за да ја одржиме нашата килажа“, истакнува Сузи.
- Поништување на „висококалориските денови“
Ако внимавате на исхраната, секогаш потсојат денови кога ќе јадете повеќе од што е потребно, како што се разни прослави, родендени и слично. Ден со пост е идеален за уништување на тие калории.
- Ќе изгубите на тежина
Неколку килограми може да се изгубат и без строга диета.
„Еден од најдобрите начини е редовниот пост. Без разлика дали се работи за тоа ништо да не јадете во текот на денот или да внесувате минимум калории, ќе загубите сигурно 1 до 2 кг месечно“, вели оваа нутриционистка.
