Кокосовото масло во последните години станува се попопуларна состојка како во слатките така и во солените рецепти. Ова масло со сладок, егзотичен мирис често се користи и за нега на кожата на лицето и телото. Им одговара на сите типови кожа, дури и на мошне сувата, и со редовна употреба го забавува појавувањето на брчките и опуштањето на кожата. Се покажало дека кокосовото масло помага и при проблеми како што се екцемот и псоријазата.
Ова масло ефикасно ја негува и сувата и оштетена коса, а можете да го нанесете во вид на маска (пред миење на косата) или, пак, на сува коса, односно на краевите од косата.
Може да се користи и како превеција од стрии, на пример, за време на бременост: после туширање со кружни движења вмасирајте го кокосовото масло во пределот на стомакот, колковите и градите, најдобро додека кожата се уште е благо влажна.
