Кодиломите се заразна полово пренослива болест која ја предизвикуваат ХПВ вирусите. Многу се распространети и тешко е да се контролира нивното пренесување.
Вирусните брадавици – кондиломи се група на намножени инфицирани клетки на кожата/слузокожата на половите органи. Освен што ја нарушуваат архитектурата на кожата/слузокожата, иницираат и ненормален раст на крвните садови со кои си обезбедуваат сопствена исхрана.
Различните видови на ХПВ се разликуваат по брзината на раст на кондиломите, агресивноста, брзината на освојување на здравите делови на кожата/слузокожата, како и по малигниот потенцијал. Брзината на раст и ширење зависи од состојбата во која се наоѓа имуниот систем на инфицираното лице.
ХПВ (Хуман папилома вируси) најчесто се пренесуваат преку полов однос, но и со директен контакт со заразена кожа и слузокожа.
Половите брадавици лесно се добиваат и ако се користи кондом за заштита. Речиси е невозможно да се биде безбеден, со оглед дека машкиот партнер може да биде преносител на вирусот, а на себе и да нема видливи симптоми.
Оваа болест се смета за светска епидемија и брзо станува полово пренослива болест број еден по бројот на заразени.
СИМПТОМИ ПРИ ХПВ ИНФЕКЦИЈА – може да изостанат релативно долго, но во повеќето случаи во наредните три месеци по сексуалниот контакт со заболено лице ќе забележите симптоми, особено кога ќе дојде до пад на имунитетот.
СИМПТОМИ КАЈ МАЖИТЕ: мажите се често преносители, а кога ќе се појават симптомите, се јавуваат брадавици на пенисот или оспи, црвени, розеви точки околу основ ата на пенисот, како и околу аналниот отвор.
СИМПТОМИ КАЈ ЖЕНИТЕ: се појавуваат во форма на пликови, шилести брадавици однадвор, во пределот на вагината, како и во внатрешноста. Може да се јави чешање и нелагодност во пределот на гениталиите, крварење при однос, засилен вагинален секрет.
