Користењето мобилен телефон додека сте во тоалет може да го зголеми ризикот од хемороиди, според ново истражување кое ги споредило хигиенските навики на луѓето кои користат и оние кои не користат паметни телефони во тој приватен момент.
Анкетата ја спроведоа 125 испитаници, а истражувањето го спроведе тим од лекари и научници од неколку институции, вклучувајќи го Медицинскиот центар „Бет Израел Диконес“ на Харвард и клиниката „Кливленд“ во САД.
„Времето поминато на тоалет беше значително подолго кај корисниците на паметни телефони во споредба со оние кои не ги користеа“, наведоа истражувачите. Најчести активности беа читање вести и користење на социјалните мрежи, што беше поврзано со подолго „задржување на тронот“.
|Резултатите од работата, објавени во научното и медицинско списание PLOS One , покажуваат дека појавата на хемороиди е почеста кај луѓето кои користат телефони додека седат на тоалет.
Според анкетата, речиси четири од десет корисници на телефони поминуваат повеќе од пет минути во тоалет, додека само седум проценти од оние кои не користат мобилен телефон остануваат таму толку долго.
„Паметните телефони можат ненамерно да го зголемат времето поминато на тоалет, што го зголемува притисокот врз аналното ткиво, што може да доведе до хемороиди“, предупредија авторите на студијата, објаснувајќи дека истражувањето го спровеле токму поради популарната теорија дека „зависниците од телефони“ почесто страдаат од овој проблем.
„Неверојатно лесно е да се изгуби чувството за време кога скроламе на телефонот, а многу апликации се дизајнирани токму за тоа“, вели Триша Пасрича од Харвард.
Позната и по својата колумна „Прашај го докторот“ во „Вашингтон пост“, Пасрича советува: „Оставете ги паметните телефони кога одите во тоалет“.
Заклучок
Зависноста од мобилни уреди претходно се поврзуваше со несоница и анксиозност, додека други истражувања покажаа дека ширењето на спам, измами и малициозен софтвер претставува дополнителен ризик за менталното здравје на корисниците.
