Според последните истражувања, премалку спиење може да доведе до здравствени проблеми, но ова исто така важи и за предолго спиење. Всушност, истражувачите дошле до заклучок дека секоја нередовност во спиењето може да влијае на функцијата на мозокот.
Студијата опфаќа повеќе од 40.000 луѓе ширум светот кои биле дел од онлајн анкета и серија тестови за ментална способност, како што се способност за објаснување, меморија и вербални вештини.
Оние што спиеле од седум до осум часа во една ноќ, биле подобри од оние што спиеле повеќе или помалку, покажуваат прелиминарните резултати од студијата. Времетраењето на спиење било услов за најдобри резултати кај сите возрасти. Половина од учесниците се изјасниле дека најчесто спијат помалку од шест часа.
Покрај тоа истражувачите забележале дека луѓето кои спиеле четири часа или помалку изгледале девет години постари. Размислувањето и вербалните способности се две ментални способности кои биле силно погодени од нерегуларностите во спиењето, додека, пак, сонот не влијае на губењето на меморијата.
„Откривме дека оптимално време за спиење за зачувување на максимална функцијата на мозокот се движи од седум до осум часа секоја вечер и одговара на она што лекарите обично го посочуваат како просечно времетраење на сон“, вели водечкиот истражувач Конор Вајлд.
