Холинот е есенцијален нутритиент кој заради сличните карактеристики често се вбројува во витамините од Б-комплексот. Неопходен е за нормален развој на мозокот, мускулната подвижност, а влијае и на функционирањето на црниот дроб.
Со оглед на тоа дека е потребен за создавање ацетилхолин, невротрансмитер кој учествува во регулирањето на памтењето и расположението, холинот е од голема важност за нервниот систем. Во едно истражување се покажало дека дополнителното земање на 1000 мг холин дневно, во траење од три месеци ја подобрило краткорочната и долгорочната вербална меморија кај возрасните (возраст од 50 до 85 години), кои имале проблеми со памтењето.
Холинот е важен и за здравјето на срцето со оглед на тоа дека поголемиот внес намирници богати со холин се поврзуваат со намален ризик од срцеви задболувања.
Меѓу најдобрите извори на холин спаѓаат јајцата, пилешкото, мисиркиното месо, говедското, туната, лососот, бакаларот, доматите, карфиолот и блитвата.
