Колку е посува устата толку се поголеми шансите здивот да биде лош. Дишењето на уста, ’рчењето и употребата на одредени лекови го интензивираат лошиот здив бидејќи дополнително ја сушат устата. Ова се должи на послабото производство на секрет, кој инаку служи за чистење на бактериите кои предизвикуваат лош здив. Во некои случаи, позади необично силниот и непријатен здив би можел да се крие некој здравствен проблем.
Честопати станува збор за проблеми со забите, кои може да бидат поврзани и со срцеви заболувања. Исто така, може да се работи и за инфекции или гастроентеролошки проблеми.
За отстранување на непријатниот здив, забите треба да се чистат со забен конец и детално да се измијат пред спиење. Доколку непријатниот здив не исчезне, неопходно е да се јавите на доктор. Со оглед на тоа што повеќето бактерии се наоѓаат на јазикот, препорачливо е да се исчисти јазикот, но и да се употребува безалкохолна течност за испирање.
