Срцевиот удар е предизвикан од корнонарна болест која може да го зафати било која коронарен крвен сад, па ако ударот се случил на еден крвен сад, а пациентот не се придржува на препорачаните мерки на секундарна превенција, болеста ќе зафати дру крвен сад и повторно ќе дојде до срцев удар.
Денес многу полесно може да се предвиди, па и да се превенира со користење на методите на интервентната кардиологија. При коронарографија и примарно лекување на срцев удар, се гледа и стеснувањето на другите крвни садови, и со дополнителни постапки се прават интервенции на нив, за да не дојде до потешки компликации во иднина.
Повторувањето на срцевиот удар денес е многу поретко поради овие доминантни методи на лекување. Исто така, самото поставување на стент не е лекување на болеста, таа се лекува со лекови кои му се потребни на пациентот.
Кој може да доживее повторување на инфарктот и како да се спречи?
Секој пациент кој доживеал срцев удар има дополнителен ризик за нов, но пациентот веднаш влегува во фаза на секундарна превенција. Тогаш е должен да зема лекови, да ги слуша лекарските препораки кои се однесуваат на третман на пациент кој веќе доживеал некоја форма на коронарна болест.
Може да се спречи со поставување на стент на дополнителните лезии кои не биле во инфарктот, значи примарно пациентот се залекува, тогаш следи терапија со потребните лекови.
Кога ќе доживее срцев удар, пациентот обично станува многу чувствителен за сопственото здравје, се откажува од цигари, алкохол, масна храна, избегнува стрес и е физички активен. Значи, успехот зависи и од пациентот, неговата мотивираност по прашање на промена на нчинот на живот и однесувањето.
