Резултатите од истражувањето упатуваат на тоа дека лицата со тешка форма на КОВИД-19 во себе носат гени поради кои се предодредени за појава на еден од двата проблема: неможност да се ограничи и спречи способноста на вирусот сам себеси да се копира или развој на силни воспаленија и последично згрутчување на крвта.
Научниците веруваат дека нивните сознанија, објавени во списанието Nature, може да помогнат во одредување на приоритетите во потенцијалните начини на лекување кои би можеле да бидат ефикасни во борба против болеста.
Овие нови информации може да помогнат и да се предвиди кај кои пациенти ќе се развие потешка форма на КОВИД-19.
“Многу е веројатно дека во иднинина ќе успееме да предвидиме што ќе се случува со пациентите врз основа на нивниот геном во моментот кога ќе се утврди дека му е потребна интензивна нега“, вели Кенет Бејли, советник на одделот за интензивна нега на Универзитетот во Единбург и еден од авторите на студијата.
Генетската анализа на речиси 56.000 примероци земени меѓу Британци, покажала разлики на 23 гени кај пациенти со КОВИД-9 кај кои на крајот се развила тешка форма на болеста, во споредба со ДНК на останатите групи вклучени во студијата. Откриени се 16 разлики кои претходно не се идентификувани.
Новите сознанија би можеле да им помогнат на научниците во истражување на постоечките лекови кои би можеле да се употребат во лекување на КОВИД-19.
Научниците откриле промени во клучните гени кои го регулираат нивото на факторот VIII, протеин што учествива во создавање на крвни згрутчувања.
“Згрутчувањето на крвта е една од главните причини зошто кај пациентите со ковид се јавува недостаток на кислород во крвта (хипоксемија). На ова треба да се дејствува, со цел да се спречи создавањето згрутчувања“, вели Бејли, додавајќи дека “не може со сигурност да се знае дали тие лекови навистина ќе бидат ефикасни додека не се тестираат на луѓе“.
