![kapsuli (1)](https://panacea.mk/wp-content/uploads/2018/04/kapsuli-1-696x406.jpg)
Капсулите за некои лекови се црвено-сини, за некои бело-зелени, но речиси секогаш доаѓаат во две бои. Дали знаете зошто?
Постојат неколку одговори на ова прашање.
Првиот е тоа што со создавањето препознатлива комбинација на бои фармацевтската куќа сака да ја намали веројатноста консументите да ги помешаат различните лекови.
Покрај тоа, се покажало дека шарените капсули на децата им делуваат далеку попримамливо отколку оние со проѕирна или бела фолија.
Трето, долниот дел од капсулата секогаш служи како „резервоар“ за лекот, додека пошироката страна има улога на капак. Со цел да се обезбеди поголема ефикасност при производството на капсули, односно да не се помешаат двата пластични дела, се користат две различни бои.