Има неколку причини кои може да влијаат на промената на механиката на колената, како што се змиските обувки и облека, промената на начинот на одење поради лизгавиот терен, повеќе седење поради неповолните временски услови и друго.
Нервните завршетоци во зглобовите според научните сознанија стануваат пречувствителни на студено време, и затоа болката што ја доживуваме е поинтензивна во зима.
Ова се неколку начини како да ги згреете колената и да ги ублажите симптомите:
Топло облечете се: Облечете се слоевито за да ја задржите температурата на телото, особено во подрачјето на зглобот на коленото.
Бандажирајте го коленото: Заврзете го коленото со еластичен завој или стегач ако одите на подолги прошетки или ако работите на отворено, оти на тој начин ќе го зацврстите зглобот и ќе ја задржите топлината. Бидете внимателни да не стегнете премногу, оти така ќе ја спречите нормалната циркулација.
Измасирајте го болното место: Нежно масирајте го мускулот околу коленото и тоа може да ја убажи болката по само 5 до 10 минути масирање.
Загрејте го коленото: Наполнете термофор со жешка вода и замотајте со крпа, и ставете 10-20 минути на коленото, неколку пати во текот на денот, за да се забрза циркулацијата и да се опуштат напнатите мускули и тетиви.
Не го оптоварувајте болното колено: Болката во коленото може да предизвика промени во одот,што може да предизвика болки во други делови од телото. Правилниот одмор е важен колку и самото движење. Дозирањето на оптоварувањето за време на дневните активности е важно за зглобовите да можат квалитетно да се опорават и одморат.
