Познато е дека мажите имаат поголема веројатност да заболат од рак од жените, а нова студија сугерира дека тоа во голема мера е последица на биолошките разлики меѓу половите. Но, кои точно биолошки разлики да покренуваат таа разлика се уште не е во целост разјаснето.
Резултатите од студијата покажале дека мажите имаат поголем ризик за повеќето видови на рак, а најголемата разлика во ризикот е воочена за рак на хранопроводникот (10,8 пати поголема); рак на гркланот и рак на мочниот меур (секој 3,5 пати повисок); и за рак на желудник (3,3 пати поголем).
Треба да се спомене дека мажите имале само помали стапки на рак на тироидната жлезда и рак на жолчното кесе.
Исто така, се покажало дека мажите имаат и поголема веројатност да умрат од рак отколку жените.
Интересно е дека ризик факторите како што се пушењето, консумирањето алкохол, исхраната и основните здравствени проблеми се одговорни само за мал дел од разликата во стапките на рак меѓу мажите и жените.
Потребни се дополнителни истражувања за да се разбере зошто мажите имаат поголема веројатност да развијат многу видови на рак отколку жените, велат експертите. Исто така, се смета дека разбирањето на овие разлики ќе го отвори патот кон подобра политика за превенција и лекување на карциномот.
Секако, треба да се нагласи дека здравата исхрана, одржувањето на нормална телесна тежина, непушењето и избегнувањето прекумерно консумирање алкохол, како и други здрави однесувања сè уште се важен дел од стратегијата за превенција од рак кај мажите и жените.
