Д-р Едита Стокиќ, член на Кризниот штаб на Србија за коронавирусот, објаснува зошто кај млади лица често се развива потешка клиничка слика на КОВИД-19, додека кај некои пациенти кои спаѓаат во ризична група, сликата е поблага.
“Секоја хронична болест, кардиоваскуларна, метаболичка, малигна, не мора да значи и потешка клиничка слика и заболување од КОВИД-19. Но, секако ризикот е поголем што побрзо да се хоспитализираат, да бидат на интензивна нега, на респиратор, поради страдања на респираторните функции. Имаме голем број на млади лица со тешка клиничка слика каде е неопходна интензивна нега, но кај нив е доминантна промена на белите дробови. Тоа е поизразено, а факторите кои укажуваат на причината се тие што овие пациенти подолго се чувствуваат добро, не придаваат значење на зголемената телесна температура, на кашлицат, на малаксалоста, па подоцна се јавуваат на лекар. Повозрасните лица се јавуваат за помош порано, па мерките на интервенција се побрзи и навремени, па со самото тоа и шансите за полесно надминување на болеста се поголеми.
Кај хроничните заболувања, како на пример хипертензијата, доколку таа е регулирана, пациентот ‘преминал’ во групата на здрави и нема ризик што го носи неговата дијагноза. Ако е во прашање шеќерна болест, не е сеедно дали пациентот има 5. или 6. шеќер, како што сме имале пациенти со ниво на шеќер во крвта 22 – 23, оти тие имаат низа пореметувања кај кои побрзо и порано се јавуваат компликации. Да се има хронична болест не значи дека тоа лице ќе се разболи, но носи поголем ризик“, потеницра д-р Стокиќ.
