Сигурно повеќето луѓе тешко ќе го замислат својот ден на работно место без шолја од омилениот напиток. Но, за жал вестите по ова прашање и не се баш добри. Ако имате своја шолја во канцеларија или корстите садови од канцелариската кујна, постои голема шанса наведените предмети да се прекриени со опасни бактерии, но и фекалии.
Студијата што ја спровел Чарлс Герб, професор по микробиологија на Универзитетот Аризона, покажала дека дури 90% од канцеларските садови на себе имаат опасни бактерии кои вработените секојдневно ги внесуваат во организмот.
Тој открил дека и миењето садови со сунѓерчиња и крпи кои стојат во канцелариската кујна може само да ја влошат работата, оти дополнителни бактерии од нив се пренесуваат на шолјите, каде може да преживеат и до три дена.
Иако наведеното звучи прилично обесхрабрувачки, решение за уживањето во кафе или чај на работа постои. Професор Герб советува својата шолја секој ден да ја земете со вас и дома убаво да ја измиете со жешка вода или во машина за садови.
