Вообичаено големи одлуки се носат токму овие денови, а најчесто се работи за желби да се започне со вежбање или да се почне со диета. Но, целата приказна некако завршува околу февруари, а студиите докаѓуваат дека токму тогаш забораваме на сите одлуки околу кои сме биле возбудени само неколку недели порано. Таквото однесување ќе предизвика фрустрации, но шансите се големи да истото се случи и идната година.
ЗОШТО НИЕ САКАМЕ НОВОГОДИШНИ ОДЛУКИ, А ЗОШТО НАШИОТ МОЗОК ГИ МРАЗИ?
“Луѓето сакаат нови идеи, нови почетоци…“, објаснува психологот д-р Криста Скот-Диксон, додавајќи дека ако се вратиме назад во историјата, многу култури ја негуваат идејата за повторно раѓање, а многумина ги негуваат празниците како време кога се донесуваат одлуки за промени. Без разлика во кое време од годината се работи, такво нешто секогаш означува нов почеток.
Сепак, за многумина всушност се работи за имагинација и фантазија за перцепцијата – совршено тело, совршен живот и совршени чувства – без никаква претстава за реалноста“, објаснува Саша Хенинц, доктор по психологија.
Сите овие силни одлуки се согласуваат со нашата желба за магична трансформација, но нашиот мозок не сака таков пристап. „Ако ја погледнеме невронауката, знаеме дека големите и ненадејни промени може да означуваат траума, па кога ќе се обидуваме во голема мера одеднаш да ја промениме целата реалност, без соодветна помош, сами себе си нанесуваме траума“, додава докторот.
НЕКОЛКУ ПОДОБРИ НАЧИНИ ЗА ПОСТИГНУВАЊЕ НА ЦЕЛИТЕ
Нарушената рутина може да значи фрустрации, но навиките и рутините се всушност некои од најдобрите алатки што можеме да ги користиме за да ги постигнеме нашите цели.
“Секоја цел, мала или голема, се однесуба на промена на навиките. Ги менуваме навиките кога се во прашање чувствата, мислите, постапките…“, наведува Хајнц. Еве како успешно да работите на посакуваните промени.
- Бидете сериозни при создавањето планови
За почеток, важно е да поставите цел. Да речеме дека сакате да трчате маратон. Прво, разграничете кои вештини треба да ги негувате ако сакате да ја постигнете целта. Потоа дознајте кои вежби треба да ги користите за да ги развиете споменатите вештини. За да стекнете издржливост, трчајте секојдневно. За да стекнете пракса, прво ќе трчате кратки релации неколку пати неделно. Треба да планирате кога и како. Оваа во пракса се нарекува имплементирање на намери.
И додека крајната цел може да ве турка нанапред, важно е да се фокусирате на секојдневните навики. Акцијата сама по себе создава промени. Можете да фантазирате и сонувате колку сакате, но ако не направите нешто, ништо нема да се случи само од себе.
- Размислете за работите кои би можеле да тргнат погрешно
За да ја постигнете целта, можеби ќе треба да направите нешто што не ве привлекува толку многу. Хенц наведува дека прво мора да бидеме оптимисти, а потоа песимисти. Тоа е научно докажана техника на „ментален контраст“, што всушност значи дека треба да размислите за сè што може да тргне наопаку, а се со цел да се постигне целта. Кога ќе се појават препреки, ќе знаете како да се справите со нив.
Д-р Габриеле Етинген, својата кариера ја посветила на истражување како тоа што го мислиме влијае на постигнувањето на целите. Во една студија, таа проучувала жени кои учествувале во програма за губење на тежината преку целата година. Поделени во две групи, едната фокусирана на фантазирање за тоа како да се губат телесната тежина, а другата на позитивен исход и проблеми со кои може да се соочат на патот. Првата група жени изгубила во просек 10 килограми помалку.
- Наградете се
“Една од причините зошто нашиот мозок го сака ваквиот пристап е наградата“, додава Скот Диксон. Со други зборови, мозокот ги гледа позитивните промени како игра. Ако се трудите да јадете помалку шеќер, па иако има многу слатки пред вас, вие ги игнорирате, можете да прославите. Дозволете си да се чувствувате навистина добро поради промени што сте ги вовеле во животот, бидејќи на тој начин го учите вашиот мозок дека правилните одлуки водат до чувство на среќа.
