Голем број жени се трудат да појдат во тоалет пред да водат љубов со партнерот, поради стравот да не добијат желба да мократ за време на чинот на водење љубов. Некои тоа го прават и затоа што некаде слушнале дека така ќе ги спречат уринарните инфекции. Меѓутоа, тоа е апсолутно погрешно. Всушност, вистината е сосема спротивна!
Имено, со таквата пракса всушност драстично се зголемува ризикот од воспаление на мочниот меур. При сексуален однос бактериите можат да дојдат до уринарните патишта и подоцна таму да се размножат. Тоа на крајот може да предизвика воспаление на мочниот меур. Заради ова стручњаците препорачуваат мала нужда да се обавува после чинот на водење љубов. Така практично ќе се „измијат“ бактериите од мочните патишта.
