Дали некогаш сте „ставиле“ прст во папокот? Чувството е чудно зарем не? Како да ве поминуваат морници… како да ви се мокри… Постои објаснување зошто е тоа така. Еве за што всушност станува збор.
Папокот е поврзан со влакнесто ткиво кое води до ’рбетниот мозок. Тука е и сплетот на нервни влакна кои пренесуваат информации од нашата бешика и уретрата до мозокот.
Значи, кога ќе го притиснете папокот со прстите вие ја стимулирате истата регија во мозокот, мозокот се „збунува“ и мисли дека сигналите доаѓаат од друг дел од телото и се создава чувство како да ни се оди во тоалет, по мала нужда, или не поминуваат „морници“ низ ’рбетот.
„Нервните структури во париеталниот перитонеум, спојот на нашата абдоминална шуплина со папокот се мошне чувствителни, и штом на нив делуваме тие пренесуваат импулс низ ’рбетниот мозок на ист начин како кога тоа го прават нервите кои пренесуваат сигнали од бешиката и уретрата“, објаснува доктор Кристофер Холингсворт за BuzzFeed.
Но, да нема дилема, ова чудно чувство се јавува само ако прстот се стави „длабоко“ во папокот. Во спротивно не ги „допирате“ нервните влакна и не се случува ништо.
