Зошто не треба сами да ја лекувате хроничната несоница?

Пореметување на спиењето, меѓу кои најчеста е несоницата, многумина ја поврзуваат со стресот и емоционалните проблеми, но вината треба да се бара и во хигиената на спиење.

За време на спиењето се лачи хормон на раст неопходен за обнова на клетките, како и хормон одговорен за одбранбените функции на организмот. Нервните клетки во кората на мозокот се одмораат единствено додека спиеме;сонот влијае на чувството на задоволство, помнење и концентрација…

Од друга страна, проблемите со спиењето го зголемуваат ризикот од висок крвен притисок, мозочен и срцев удар, го зголемуваат аптетиот, а влијаат и на плодноста, оти според некои студии се намалува бројот на сперматозоиди кај мажите за дури 30%. Несоницата како најчесто пореметување на спиењето се јавува по стресни ситуации и емоционални проблеми, но уште почесто е поврзана со хигиената на спиење.

Што е несоница?

Основен проблем е тоа што лицето тешко заспива или се буди ноќе и повторно тешко се успива. Блага форма на несоница обично трае ди три недели и главно спонтано се губи, додека многу посериозен проблем е т.н. перзистирачка несоница, која трае со години, па болните со страв си легнуваат, а лековите кои на почетокот им помагале, повеќе не делуваат.

Според некои студии, дури 30% од пациентите со хронична несоница земаат лекови на своја рака, не размислувајќи за тоа дека неконтролираното земање лекови може да го влоши проблемот и да доведе до толеранција на лекот.