Да се биде во контакт со некој кој има КОВИД-19 или кој подоцна ќе биде позитивен на КОВИД-19, е клучниот показател дали треба да се тестирате на вирусот.
Но, колку точно треба да се почека по изложување на болеста КОВИД-19 за да се тестира на вирусот? Еве што предлагаат експертите.
Кога треба да се тестирате за КОВИД-19?
Најдобро време за тестирање – и за да бидете сигурни дека ќе добиете точен резултат – е околу пет дена откако сте биле изложени на вирусот или кога првпат ќе почнете да чувствувате симптоми, објаснува д-р Суџит Сушиндран, доцент на Катедрата за заразни болести на Медицинскиот факултет при Универзитетот Емори.
Ако сте во инкубација на вирусот, можеби ќе имате лажно негативен тест ако се тестирате премногу рано, вели д-р Сушиндран. Ако не сте развиле симптоми, тестирањето околу петтиот ден по изложувањето е идеално.
Општите правила за тестирање главно останаа исти во текот на целата пандемија, додава д-р Сушиндран. Меѓутоа, поради начинот на кој варијантата омикрон се однесува во нашите тела, постојат неколку работи за кои треба да бидете свесни додека се тестирате. Со другите соеви на КОВИД-19, почесто беше лицето да биде позитивно во времето кога се развиле симптомите. Но, со поновите подваријанти на омикрон, симптомите почнуваат многу порано по изложување на вирусот.
Моментално кај тестирањето гледаме многу лица кои се позитивни откако првично биле негативни, вели д-р Ејми Каргер, вонреден професор на Медицинскиот факултет при Универзитетот во Минесота.
“Луѓето имаат симптоми еден до три дена со негативни тестови, а потоа ќе станат позитивни по неколку дена со тестирање на КОВИД. А тоа не се случуваше со претходните варијанти“.
Одложената позитивност значи дека е потешко целосно да се верува во негативен резултат од тестот, особено во првите неколку дена, вели д-р Каргер.
Не е јасно зошто доаѓа до одложени позитивни резултати од тестот, но истражувачите имаат некои теории. Според д-р Каргер, една претпоставка е дека подваријантите на омикрон може да се реплицираат повеќе во грлото, така што можеби нема да има доволно вирус за назалните брисеви за тестовите рано го откријат КОВИД-19.
Втора можност е дека со оглед дека повеќето луѓе имаат одредено ниво на имунитет од претходни инфекции или вакцина, тие рани симптоми би можеле да бидат само нашиот имун систем кој дава се од себе да се избори со вирусот. Без оглед на причината, негативен резултат од тестот во првите неколку дена по изложување, не значи ништо.
Ако добиете негативен резултат и неодамна сте биле изложени, а особено ако имате симптоми, вели д-р Каргер, мислам дека најдобриот совет е едноставно да се однеувате кон тоа како да КОВИД.
Во оваа ситуација, д-р Сушиндран и д-р Каргер се согласија, можеби е најдобро да се повторат тестовите дома и да се комбинираат со ПЦР лабораторискиот тест. Иако времето на обработка е малку побавно, ПЦР тестовите се почувствителни и може да го фатат вирусот во тие рани фази.
