Во зима сувите и испукани усни секогаш се на дневен ред. Греењето, големите температурни разлики надвор и внатре, како и студот лесно им наштетуваат на усните. Кожата на усните е исклучително тенка и нема лојни ни потни жлезди. Кога природата почнува да се буди и се враќа во живот, би требало и усните да се опорават. Ако тоа не е случај, ова се трите необични причини за тоа.
Погрешен избор на паста за заби
Стоматолозите потврдуваат дека материјата која им овозможува на пастите за заби да прават пена може да е одговорна за испуканите усни. На содржината на оваа материја реагираат повеќе луѓе отколку што може да се претпостави. Виновник може да биде и четкичката, која постојано доаѓа во контакт со усните и така ги суши. Најдобро решение е да преминете на паста за чувствителни заби. Циметот и нането, исто така, можат да ја иритираат кожата на усните.
Недостаток на цинк и витамин Б12
Цинкот е важен за новите клетки. Ако постои недостаток на цинк во организмот на усните ќе се појават непријатни пукнатини. За да го подобрите нивото на цинк јадете ореви, семки, остриги. Испуканите агли на усните се јавуваат како резултат на недостаток на витамин Б12. Со млечните производи, сојата и рибата брзо ќе ја поправите ситуацијата.
Балзам за усни
Погрешниот избор на балзам за усни, исто така, може да е причина. Парфемите и вештачките состојки, но и некои природни состојки не може да се гаранција за здрави усни. Некој може да е алергичен и на пчелиниот восок, а тоа само ќе ја влоши состојбата на усните.
Испуканите усни не изгледаат како голем проблем, сепак ако ситуацијата не се подобрува, а сувоста не се намалува потребно е да се појде на лекар. Во посериозните случаи причина може да бидат и болести на кожата или габички.
