Ви се случува ли иако добро сте спиеле, наутро да станете „скршени“ и со болки во одредени делови на телото. Ваквата состојба е последица на положбата во текот на сонот, кога доаѓа до напрегање на ‘рбетот, вратот, рамената, колковите, па дури и вилицата, велат стручњаците, истакнувајќи дека спиењето на страна е најздраво.
При изборот на положба треба да се имаат на ум трите линии на телото, односно линијата на долниот грб, линијата на средината на грбот и околу вратот. Тие се важни за природната положба на телото за време на спиењето, а тоа е токму страничната положба.
Доколку меѓу колената се стави перница, положбата ќе биде уште поудобна, бидејќи на тој начин ќе се релаксираат и колковите.
Доколку лицето е хипертоничар (страда од висок крвен притисок) треба да спие на левата страна, а доколку во бубрегот има камен на десна страна. Спиењето на стомак не е здраво бидејќи доведува до дегенерација на ‘рбетниот столб. Во таа положба премногу се напрегаат лигаментите и мускулите околу ‘рбетот, поради што се созздава притисок на нервите во рацете, што може да доведе до нивно трнење наредниот ден. Оваа положба не е препорачлива, бидејќи тежината на телото ги притиска белите дробови, што оневозможува длабоки циклуси на вдишување и издишување. Не се препорачува ниту спиење на грб, затоа што јазикот може да падне наназд и да се блокира дишниот канал, особено оние лица кои ‘рчат и се склони кон апнеа. Оваа положба, но полуседечка, е препорачлива единствено за лицата со болно срце, одредени болести на дишните органи, глауком.
