Единствениот загарантиран начин да се избегне долг ковид е да не се заразите со коронавирус. Но, и ако се разболите, “одморот е неверојатно важен за да на телото и имуниот систем им дадете можност да се изборат со акутната инфекција“, вели д-р д-р Џана Фридли, специјалист за рехабилитација по КОВИД-19 на Универзитетот Вашингтон, која и самата се опоравувала од долг ковид. “Луѓето некако се борат со тоа и мислат дека ќе помине за неколку дена и дека ќе им биде подобро, но со ковидот тоа баш и не функционира“, додава таа.
Може ли мирувањето навистина да спречи симптоми на КОВИД-19?
Истражувачите сè уште учат многу за долгиот ковид, па затоа е невозможно со сигурност да се каже дали мирувањето навистина може да го спречи неговиот развој или, обратно, дали прераната активност предизвикува компликации. Д-р Фридли вели дека многу пациенти со долг ковид кои ги среќава се вработени жени со семејства, кои побрзале да се вратат во нормала што е можно поскоро. Тешко е да се дадат сеопфатни насоки за тоа колку одмор е доволен, но д-р Фридли препорачува секој што се опоравува од Ковид да се држи подалеку од вежбање со висок интензитет најмалку неколку недели и да избегнува претерување со замор.
За луѓето кои веќе развиле долг ковид, одморот може да биде корисен и за решавање на симптомите кои вклучуваат замор и малаксаност после напор (ПЕМ) или падови по физички, ментален или емоционален напор. Американскиот центар за контрола и превенција на болести препорачува “темпирање“, стратегија за управување со активности која вклучува рационализирање на активностите и комбинирање на активности со одмор за да се избегне прекумерен напор и влошување на симптомите.
Во една меѓународна студија објавена минатата година, истражувачите прашале повеќе од 3.700 пациенти со долг ковид за нивните симптоми. Речиси половина изјавиле дека “темпирањето“ до некаде им помогнало да се справат со симптомите. Во меѓувреме, кога други истражувачи анкетирале околу 500 пациенти кои страдаат од долг ковид за студија објавена во април, огромно мнозинство изјавило дека физичката активност ги влошувала нивните симптоми, дека немала ефект или има им донела различни резултати. Неодамнешни истражувања сугерираат дека тоа може да биде затоа што оние со долг ковид имаат оштетување на нивните митохондрии, кои произведуваат енергија што клетките можат да ја користат.
