Овесните снегулки често се препорачуваат како главна состојка на хранлив и појадок кој заситува, како и на здравите слатки кои повремено можете да ги јадете без грижа на совеста. Зошто за овесот неретко се зброрува како за суперхрана?
Овесот претставува одличен извор на влакна (особено бета-глукани), како и витамини (посебно од Б-групата), минерали (манган, железо, цинк, селен и фосфор) и антиоксиданти.
Кога станува збор за позитивните ефекти врз здравјето со повеќе истражувања се покажало дека овесот помага во намалување на нивоата на холестерол во крвта со што се намалува ризикот од срцеви заболувања. За овој ефект врз холестеролот заслужни се бета-глуканите, во вода растворливите влакна кои ја забавуваат апсорпцијата на масти и холестерол од храната.
Влакната растворливи во вода кои ги содржи овесот се залужни за подолго чувство на ситост, со оглед на тоа дека го забавуваат празнењето на желудникот и поттикнуваат лачење на хормонот на ситост. На овој начин овесот помага во контролата на апетитот и регулирањето на телесната тежина.
