Кафето го сакаме поради неговиот специфичен вкус што не буди, но кафето може да предизвика грчеви во стомакот и да не поттикне на итно одење во тоалет. Колку тоа понекогаш да се чини непријатно, неговото лаксативно дејство е всушност корисно. Затоа некои луѓе сакаат да испијат кафе по оброк, за да им ја поттикне дигестијата и варењето на храната.
Многумина се запознаени со оваа појава, но ретко кој знае зошто телото има таква реакција на кафето. Ако сте страствен љубител на кафе, ова може да ве интересира.
Според истражувањата дури 30% од луѓето по консумирањето каде, имаат потреба да извршат голема нужда. Интересно е дека кафето без кофеин има ист ефект на организмот. Научниците откриле дека кафето го стимулира задниот дел на дебелото црево. Тоа значи дека цревата побрзо го исфрлаат отпадот од телото, а тоа нуди големо олеснување.
Мотилин (хормон што стимулира цревна контракција) и гастрин (хормон што предизвикува кисела секреција во желудникот) исто така имаат влијание на дејството на кафето.
Хлорогенската киселина во кафето може да го зголеми произвдоството на желудочна киселина во желудникот. Кога ќе се зголеми нивото на желудочна киселина, желудникот побрзо да вари храната, а се активира и дигестијата што ги исфрла остатоците. Научниците исто така велат дека и некои други соединенија во кафето може да ја забрзаат работата на цревата, но не е сосема јасно кои се тие соединенија одговорни за таа реакција.
Иако кофеинот не е главниот виновник за поттикнување на дигестијата, се смета дека сепак може да има лаксативен ефект бидејќи стимулира контракција на мускулот во дебелото црево, особено кај лица со чувствителни црева.
