Погледнете зошто потешко се ослободуваме од вишокот килограми кога ќе ја почнеме четвртата деценија од животот.
Хормонални промени
По 40-та година во телото почнуваат да се случуваат хормонални промени. Некои жени постепено влегуваат во фазата на перименопауза, што резултира со дисбаланс на хормоните како естроген, прогестерон и тестостерон. Ова неизбежно влијае врз здравјето на коските, на работата на мускулите, на флексибилноста на телото и на целокупното расположение.
Побавен метаболизам
Хормоналните промени во организмот влијаат и на метаболизмот, кој по 40-та забавува. Како резултат на тоа ќе видиме колку повеќе масни наслаги ни се акумулираат околу половината.
Ја губите мускулната маса
По 40-та телото побавно ги согорува калориите. Причината – хормоналната нерамнотежа во комбинација со забавениот метаболизам. Кога ќе започнете со нов и променет начин на исхрана, тоа не секогаш значи дека веднаш ќе се ослободите од вишокот на килограми, туку постои поголема веројатност прво да почнете да губите од мускулната маса и да се чувствувате опуштено.
Промена на апетитот
Кога зборуваме за хормоналните промени, треба да се истакне дека има промена и во нивото на хормонот грелин, кој е одговорен за апетитот и за чувството за глад. По 40-та година рецепторите работат поинаку, тие испраќаат мешани сигнали, така што може да почне многу да ви се јаде или, пак, воопшто да немате апетит.
