Доколку имате вишок килограми, односно прекумерна телесна тежина, многу е поверојатно да имате долготрајни здравствени проблеми ако заболите од КОВИД-19, предупредува ново истражување. Покрај поголемиот ризик од хоспитализација поради КОВИД-19 и ризикот од прием на оддел за интензивна нега, лицата со прекумерна тежина имаат и 30 процентни поголем ризик дека ќе имаат хронични компликации од КОВИД-19.
Се смета дека овие резултати се уште една од причините зошто сите, а особени обезните лица, треба да се вакцинираат против новиот коронавирус.
На најголем ризик од долгорочни ковид-компликации изложени се лицата кои имаат индекс на телесна маса (ИТМ) над 35.
Пациентите кои се обезни, треба да бидат информирани за својот значаен ризик од КОВИД-19, како во акутната фаза, така и во хроничната фаза на болеста, истакнуваат стручњаците.
Исто така, се смета дека е потребно долгорочно и ригорозно следење на болниот со прекумерна телесна тежина кој заболел од КОВИД-19, за да се решат хроичните последици од болеста.
Треба да се напомене дека е воочено дека обезноста (дебелината) и срцевите проблеми поврзани со неа, се доследни предиктори (претскажувачи) на лош исход од КОВИД-19.
Резултатите од оваа студија укажуваат на поголем ризик од долготраен КОВИД-19 кај обезните лица, а некои од веројатните причини вклучуваат зголемено воспаление, ендокрини нарушувања и механички влијанија од прекумерната тежина.
