Алармот е активиран
Кога вашата амигдала (дел од мозокот задолжен за обработка на емоциите) регистрира закана, па дури и замислена таа испраќа сигнал во контролниот центар – хипоталамусот.
Расте нивото на адреналин
Возбуден, хипоталамусот го активира симпатичкиот нервен систем кој телото го префрла во модел на реакција бори се или бегај. Надбубрежната жлезда е активирана и таа сега испумпува поголеми количества адреналин во крвоткот, што доведува до забрзување на работата на срцето. Истовремено на нервните завршетоци во кожата се ослободува хормонот норадреналин.
Активирана е одбранбена реакција
Мозокот работи 300 на саат, дишењето се забрзува, а срцето чука како лудо, што ја забрзува циркулацијата, па адреналинот побрзо се шири низ телото. Тој така доаѓа и во слојот кожа познат како дерм. Тука адреналинот и норадреналинот се здружуваат во своето дејство.
Микромускулите се собираат
Меѓу органите кои ги активира одбранбената реакција се наоѓаат и мускули познати како arrectores pilorum. Тоа се мали мускули кои се наоѓаат покрај коренот на секое влакно во телото. Адреналинот и норадреналинот се врзуваат за овие мускули и им наредуваат да се соберат и така да останат се до поминување на опасноста.
Кожата се ежи
Контракцијата на овие ситни мускули доведува до кревање на влакната и до создавање ситни набабрувања на кожата, односно до ежење на кожата. Оваа реакција е стекната низ еволуцијата и ја делиме со нашите роднини цицачите. Разликата е тоа што тие изгледаат опасно кога ќе се наежат, а ние очајно.
