Ренот може да се користи во текот на целата година како храна за подготовка на чај или облоги, а го забрзува метаболизмот, го чисти организмот и ја подобрува циркулацијата. Свежиот корен од рен е богат со витамин Ц, а содржи и калциум, калиум и магнезиум, како и етерични масла кои му ја даваат лутината. Посебно е ефикасен кога се додава во помасни јадења бидејќи го поттикнува варењето така што стимулира лачење на желудочни и цревни сокови.
Ренот се препорачува во студените периоди од годината бидејќи е докажано дека неговата арома помага во спречување и лекување на настинки. Консумирањето рен го поттикнува отпуштањето на слузта па така се смирува кашлањето, а се олеснуваат и симптомите на воспалението на синусите. При настинка може да се користи рендан, сварен во млеко или измешан со мед.
Свежиот корен од рен чувајте го во хартиена ќеса најмногу 7 дена или исечкаје го на ситни парченца и замрзнете го. Ако сакате рендан рен, направете го тоа само со онаа количина која ви е потребна за оброк, бидејќи многу бргу ја губи свежината.
