Често недоволната самодоверба и социјалната изолација се резултат на лошиот здив. Луѓето кои страдаат од проблемот со лош здив, редовно бараат решение на проблемот со гуми за џвакање, но ефектот е времен, особено кога лошиот здив се должи на здравствен проблем, а не на лук или кромид во оброкот.
Кога спиете, организмот произведува значително помали количества плунка и тоа дозволува развивање на бактерии кои се одговорни за лошиот здив. Во таа насока се јавува и субјективно чувство на сува уста што е последица на заболувањето ксеростомија или како резултат на стресна ситуација, кое, исто така, води до појава на лош здив. Преку ден плунката ја одмива храната што сте ја изеле, но навачер поради малите количини таа не може ефикасно да ја исполни својата функција во устата. Така, храната започнува да се разградува во устата и тоа причинува познато за многу луѓе, устоен утрински здив. Така што, лошиот здив може да е следствие на лоша хигиена на усната шуплина и особено пропуштањето на вечерното миење на забите. Вообичаено лошиот здив е придружен со бели дамки на јазикот кои го неутрализираат дејството на рецепторите за вкус.
Извор на лошиот здив може да биде и желудникот. Храната како лук, праз или кромид која има исклучително силна арома при разградувањето во желудникот предизвикува непријатен здив во устата. Претерувањето со алкохол, исто така, води до појава на лош здив. Повеќето луѓе се бидуваат да ја неутрализираат лошата миризба со гуми за џвакање, ментол бонбони, спрејови и што ли уште не, но ефектот е од времен карактер. Гумите за џвакање го освежуваат здивот само додека се џвакаат, но не се способни да го искоренат причинителот за лошиот здив кој што се наоѓа во желудникот. Затоа подобро решение е да ја избегнувате ваквата храна, особено ако имате планирани социјални контакти. Консумирањето на млечни продукти, риба, кафе, благи работи, а, исто така, и гладувањето може да биде причина за појава на лош и непријатен здив.
Лошиот здив може да биде и симптом на разични болести и во зависност од тоа со каков точно мирис е лошиот здив може да се определи заболувањето.
Дијабетесот, хроничниот гастритис и бронхитис, парадентозата и цирозата се болести кои се проследени со лош здив. Доколку лошиот здив доаѓа од носот, а не од устата, може да се во прашање полипи и воспаление на дишните патишта. Во случај на настинка и слевање на носниот секрет во желудникот се успорува процесот на варење на храната, апетитот се намалува, а застојот на храната во желудникот причинува лош здив. Кариесот, лошо направените коронки и мостови може да ја задржуваат храната која при разложување во устата предизвикува лош здив. Извор на лош здив се и хормоналните проблеми (особено пред месечниот менструален циклус).
Ислучително е важно редовното миење на заби за надминување на ваквата ситуација, а во таа насока се и профилактичните прегледи на стоматолог. Пијте повеќе течности за да не ја чувствувате устата сува и задолжително не се оставајте гладни. Ограничете ја храната која предизвикува лош здив. Неутрализатори на лошиот здив се сметаат јаболките и морковот, бидејќи ја стимулираат плунката.
