Потешкотиите во голтањето значат дека храната од вашата уста подолго време патува до желудникот. Причините за отежнато голтање може да бидат различни, од баналано заглавување на храната при голтањето, воспаление на грлото до малигни болести.
ДИСФАГИЈА
Дисфагијата може да биде последица на болести на уста, ждрелото хранопроводот. Се разликуваат дисфагија – отежнато голтање и одинофагија – болно голтање. Двете појави може да се јават во исто време.
“До дисфагија доаѓа поради пореметени анатомски односи внатре во вратот. Може тоа да биде чувство дека ви се заглавило некое туѓо тело во грлото. Ако нешто нагло проголтате, па се оштети слузницата, не дигајте паника, ќе помине“, појаснува Зорислав Деверни, лекар по општа медицина.
При тоа, тој напоменува дека вратот е подрачје богато со лимфни јазли. Поради тоа, ова место е погодно за развој на бенигни или малигни творби. При секое воспаление на заб, ждрело и сл. тоа подрачје може да се воспали. Штитната жлезда или тироидеата која се наоѓа на вратот, склона е на воспаленија , при било која акутна или хронична појава, Поради тој одбранбен механизам може да дојде до отежнато голтање.
ВОСПАЛЕНИЕ НА ГРЛОТО
“Ако дојде до воспалението на грлото се воспалува комплетната слузница и ждрелото, и тоа подрачје отекува. Повторно се намалува волуменскиот простор и голтањето можр да стане отежнато. Посебно се специфични хипертрофични крајници кај децата, чие воспаление може да доведе до отежнато голтање при вирусно воспаление кое не е сериозно, бактериско воспаление при кое се опасни стрептококите и менингококите, кога преку нос може да дојде до појава на менингитис“, објанува лекарот.
Отежнатото голтање може да биде и болка може да бидат последица на рефлукс, кога желудочната содржна се враќа во хранопроводот.
