Суво око е еден од најчестите проблеми поради кој луѓето бараат помош од офталмолог. Во прашање е состојба која се развива поради намалена работа на солзните жлезди, зголемено испарување на солзите или лачење на солзи чиј состав не е како што треба.
Солзите имаат важна улога во зачувување на здравјето на окото: го подобруваат видот, и обезбедуваат на рожницата неопходна влажност, ја елиминираат прашината и честичките кои стигаат во окото од надворешната средина и до некоја мера спречуваат инфекции, оти содржат ензими кои можат да ги елиминираат бактериите.
Со секое трепкање се освежува „солзниот филм“, кој ни обезбедува добар вид и добро здравје на окото.
Според лекарите, сувите и уморни очи може да бидат последица на различни фактори, најчесто е тоа сув и загаден воздух, ветар, клима уреди, работа на компјутер, час од цигари или користење на контактни леќи.
„Сувото око настанува по нарушување на солзниот филм кој нормално ја покрива површината на окото, обезбедувајќи јасен вид и влажност, како и заштита од штетните влијанија од надворешната средина. Кога тој солзен фил ќе се поремети, прво се јавува нелагодност и пречки во видот, а ако овој проблем не се третира адекватно, може да дојде до слабеење на видот, инфекции, оштетување на рожницата“, објаснуваат офталмозолите.
Лицата кои имаат проблеми со сувост на окото, најмногу пречки имаат во извршување на секојдневните активности, како што се возење, читање, работа на компјутер или гледање телевизија.
Симптомите на суво око се чувство како “нешто да ви влегло во окото“, како да имате песок во очите, пецкање, чешање, но и побрзо заморување на очите, замаглен вид, понекогаш проследен и со појава на секрет.
Како последица на напрегање на окото, се јавуваат замор, главоболка, проблеми со концентрацијата и нервоза.
