Утринските главоболки се болни, тешки и помалку збунувачки. Штотуку сте се разбудиле и се прашувате што би можело да ја предизвика оваа непријатност? Но стручњаците истакнуваат дека сепак постојат бројни причини и дека некои може да се променат, додека остантите не се под наша контрола.
Недоволна наспиеност
На организмот му требаат седум до осум часа сон за да нормално функционира. Затоа, кога се спие помалку од овој период, се случува нагла промена и паника во телото. Според невролозите, во таква состојба расте лачењето на „борбените“ хормони бидејќи телото се штити, а тоа резултира со забрзана работа на срцето, зголемен крвен притисок и со стрес. Во тој случај обидете се да ја нормализирате состојбата користејќи послаби лекови против болка. Но, ако сте во можност отспијте уште 20-30 минути што ќе му озвоможи на телото дополнителен одмор. Најважно е да создадете нормален циклус на спиење за ваквата главоболка да не се повтори.
Премногу сте спиеле
Спиењето подолго од девет часа го намалува лачењето на хормонот серотонин, а последица на тоа е намален негов внес во мозокот што предизвикува главоболка. Ова најчесто се случува преку викенд кога имаме прилика подолго да спиеме. И во ваква состојба може да се напиете некоја таблета против болка, но најдобро би било и во деновите кога не одите на работа, да местите аларм за да не спиете повеќе од осум часа.
Телото нема доволно ендорфин
Производството на ендорфин – хормон поради кој се чувствуваме подобро е помало во утринските часови, па кај некои лица може да предизвика мигрена. Ниското ниво на ендорфин може да влијае на разни други невротрансмитери, како серотонинот што предизвикува стеснување на крвните садови во мозокот, велат невролозите. Лошата вест е што ниту стручните лица не се сигурни зошто ова кај некои луѓе предизвикува главоболка, а кај некои не. Но се препорачува наутро ако имате вакви проблеми, да направите лесен тренинг штом ќе станете од спиење за да го поттикнете лачењето на ендорфин во организмот.
Консумирање алкохол пред спиење
Мамурлакот е позната работа и тоа дека алкохолот предизвикува утрински главоболки и слабост на телото. Но треба да знаете дека неколку чашки алкохол го дехидрираат организмот што го намалува внесот на крв во мозокот. Пред спиење испијте две чаши вода, а истото повторете и го наутро за повторно да го хидрирате телото.
‘Рчењето е еден од симптомите на апнеа, состојба која предизвикува кратко престанување на дишењето, гушење и недостиг на воздух. Епизодите на апнеата траат кратко, но може да предизвикаат помал доток на воздух во мозокот. Невролозите сметаат дека недостатокот на кислород ги стеснува крвните садови и предизвикува главоболка.
Депресивни сте
Главоболките врзани со депресијата може да се јават кога било, и тоа затоа што оваа состојба е поврзана со намаленото ниво на на серотонин. Депресијата може да влијае на циклусот на спиење и да предизвика сон кој трае предолго или прекратко. Лекарите препишуваат разни антидепресиви, но препорачуваат и прошетка и физичка активност во природа за да се подигне нивото на хормонот на среќа.
