Голем број жени мака мачат со акните кои се појавуваат на темето, а решението на овој проблем е во паметниот избор на шампон за коса. Како и акните по лицето и овие акни се појавуваат како резултат на нечистотија на темето, а се предизвикани од мртвите клетки, остатоците од нечистотија и пот што се насобираат во текот на денот. Постојаното носење капи и шешири влијае на тоа темето на главата да не може да дише, па така станува поволна подлога за развивање бактерии.
Една од причините за појава на акни во косата може да бидат и хормонски промени за време на менструацијата, а обично се повлекуваат по завршување на ПМС.
Шампони кои помагаат при отстранување на акните од темето на главата се оние со додадени есенции на рузмарин, лаванда или чаево дрво. Во омилениот шампон може и самите да додадете неколку капки од споменатите етерични масла.
За време на миењето на косата мошне важно е темето добро да го измасирате со врвовите од прстите и така да го отстраните слојот мртви клетки. Редовно чешлајте го темето тоа, исто така, помага многу бидејќи ја поттикнува циркулацијата на темето и рамномерно го распоредува себумот.
Добра работа е што овие акни брзо се повлекуваат по појавата, а ако имате проблем со некои поупорни кои не исчезнуваат тогаш најдобро е да побарате мислење од дерматолог.
