За да го разберете ова мора да знаете што се случува во вашиот систем за варење за време на оброкот. Додека ја џвакате храната вашиот желудник создава гастрин – хормон кој го поттикнува производството на сокови за варење кои ја разградуваат храната. Таа храна потоа оди во тенкото црево додека цревата ослободуваат ентерогастрон – хормон за регулирање на крвотокот. Во меѓувреме вашиот панкреас ослободува инсулин, за да му помогне да стомакот да ја апсорбира глукозата од јаглехидратите од оброкот. Истовремено, инсулинот испраќа различни аминокиселини во вашиот мозок, вклучително и озлогласената хемикалија триптофан, која ја поттикнува поспаноста.
Можеби сте забележале дека поспаноста не се случува после секој оброк. Постојат неколку причини за тоа: високото ниво на јаглехидрати предизвикува скок на инсулинот, што значи дека повеќе триптофан ќе влезе во вашиот мозок. Кога ќе се случи тоа триптофанот се претвора во серотонин, заради што се чувствувате добро, а потоа во мелатонин, заради што се чувствувате поспано. Глукозата од јаглехидратите, исто така, може да ги блокира мозочните клетки наречени орексин неврони, кои се одговорни за одржувањето на будноста. Треба да се напомене дека оброците со висока содржина на протеини немаат ист ефект, бидејќи протеините имаат тенденција да поттикнуваат ослободување на стимулативните аминокиселини.
Поспаноста после оброк понакогаш е неизбежна, но постојат неколку начини да се намалат шансите за дремка после јадење. Јадете полека за хормоните во вашето тело да имаат време да се избалансираат. Исто така, уверете се дека јадете урамнотежен оброк без премногу скроб, масти, но со доволно зеленчук и витамини.
