Дури кога ќе помислите – конечно дојде лето, се приближува одморот, ете ги проблемите кои ги носи високата температура. Само еден од нив е мачење со сонот во текот на жешките ноќи. Понекогаш ништо не помага, ни слекувањето до гола кожа, ни провевот, ни климата… Дури и кога некако ќе успете да заспиете, не можете ни да се надевате на квалитетен одмор затоа што лошите соништа не ви дозволуваат.
Научниците докажале дека во лето грдите соништа се почести, и тоа токму заради жештините кои доведуваат до некомфорност за време на спиењето.
Доктор Нил Стенли објаснил зошто тоа се случува: „За човек да може да се наспие, температурата на телото мора да се спушти за еден степен во одност на стандардната температута на организмот во текот на работниот ден. Од температурата се ослободуваме преку главата и лицето кои не се покриени. Доколку спиете во соба која е претопла, топлината на телото нема да може да опадне и ќе дојде до неквалитетен сон.“
Додал и дека кога сонот е неквалитетен, значително се зголемува вознемиреноста, мозокот забрзано работи и доаѓа до кошмари.
Еве како да ја изладите собата доволно за да ви биде удобно и да имате квалитетен сон:
– Спијте на памучни чаршафи;
– Ставете ги чаршафите во замрзнувач на само неколку минути пред да ги ставите на креветот;
– Замрзнете шише со вода и ставете го во постелата неколку минути пред да си легнете;
– Насочете вентилатор кон отворен прозорец и на тој начин ќе го исфрлате топлиот прозорец од собата;
– Исклучете ги сите можни светла;
– Навлечете ги завесите;
– Исклучете ги сите електронски уреди, дури и полначите;
– Закачете влажен чаршаф на отворениот прозорец под завесата.
