Шеќерот е еден од главните непријатели не само на витката линија, туку и на здравјето, но и покрај тоа тешко е да се одолее на благо. Ако и вие имате проблем со напади за благо, не е лошо да знаете зошто тоа се случува.
Шеќерот содржи 16 калории во една кафена лажичка, но голем проблем во целата приказна е тоа што не содржи никакви хранливи материи. Ако почнете да пресметувате и да тргнете од кафето кое го пиете во текот на еден ден, сигурно ќе соберете респектабилна бројка на вишок калории, кои се зголемуваат и со различната готова храна која е преполна со шеќер.
На тој начин внесувате екстра шеќер во организмот кој се навикнува на таквата исхрана, па кога ќе одлучите да се откажете од шеќерот, последиците се јасно видливи – главоболки, промени во расположението и други потешкотии. А познато е дека најдобар лек за сето ова е токму слаткото.
Затоа кога ќе одлучите да го намалите внесувањето на шеќер, овие се трите работи на кои најпрво треба да обратите внимание за да ја постигнете својата цел.
Кафе – тоа е всушност еден од главните извори на шеќер во текот на денот, особено ако ви се допаѓа, на пример, големо капучино кое не оди без две лажички шеќер. А кафето има и прекрасна нуспојава – ја нарушува работата на сетилото за вкус и храната одеднаш не е доволно солена или свежа, па почнувате да се вртите во еден маѓепсан круг.
Јаглехидрати – потребни му се на организмот и не треба трајно да се исфрлаат од исхраната, но треба внимателно да се консумираат: белото брашно е лош избор, зашто има многу висок гликемиски индекс бидејќи се работи за едноставни јаглехидрати, додека комплексните од интегралното брашно имаат понизок гликемиски индекс.
Вештачки засладувачи – проблемот со шеќер во кафето нема да го решат вештачките засладувачи, бидејќи тие се уште послатки од шеќерот, а со нивна консумација се навикнувате на уште посладок вкус и дополнителна употреба на шеќер.
