Свинската маст (позната и како лој или „lard“) изненадувачки се најде на листата на најздрави намирници според истражување објавено во списанието PLoS ONE и пренесено од BBC Future. Во оваа анализа на преку 1000 сурови намирници, свинската маст беше рангирана на осмото место со нутритивна оценка од 73 од 100, надминувајќи многу овошја и зеленчуци како грашок, сладок компир и портокали.
Зошто свинската маст е сметана за нутритивно вредна?
Иако традиционално се смета за нездрава поради високата содржина на масти, свинската маст содржи:
-
Олеинска киселина – мононезаситена масна киселина која е добра за срцето и се наоѓа и во маслиновото масло.
-
Витамини од Б-комплексот и минерали.
-
Повеќе незаситени масти во споредба со мастите од говедско или јагнешко месо.
Дополнително, ако свињите се одгледувани на отворено, нивната маст може да содржи и витамин D.
Важно: умереност
Иако свинската маст има нутритивни предности, таа сепак содржи заситени масти, па затоа се препорачува умерена консумација. Во урамнотежена исхрана, може да биде корисна како извор на енергија и хранливи материи, особено ако се користи во мали количини и во комбинација со други здрави намирници.
Значи, иако не е типично сметана за „здрава храна“, свинската маст може да има место во здравата исхрана кога се користи со внимание и во умерени количини.
Свинската маст повторно е баран деликатес во кој вреди да се ужива на традиционален начин. Во кулинарството свинската маст посебно се цени бидејќи е одлична за пржење, а месото нема да впие многу мрснотии и ќе биде исклучително вкусно. Многумина сметаат дека е совршена и за подготовка на тесто. Таа може на темно и студено место да стои долго, без да се расипе, па поради тоа во минатото служела како природен конзерванс во кој се чувале месните производи.
Бирајте го природното
Пофалбите вредат само за домашната маст, која се добива од свиња која јаде природна храна и живее на полуотворен простор. Индустриски произведената маст не се препорачува, бидејќи многу често се хидрогенизира и е третирана со разни додатоци, како што се емулгатори,те а свињите потекнуваат од фарма на која масовно се одгледуваат јадејќи индустриска храна.
Кога станува збор за свинска маст, вообичаено се истакнува дека таа содржи ,,тешки,, заситени масни киселини, но малку се знае дека во неа преовладуваат незаситени масни киселини, кои се препорачуваат како најздрави маснотии. Истражувањата покажале дека свинската маст има отприлика 40% заситени маснотии, а 60% незаситени. Особено е богата со олеинска киселина, која делува поволно на васкуларниот систем.
Тајната е во умереноста
Се повеќе нутриционисти истакнуваат дека проблемот не е во свинската маст, туку во тоа што денешната исхрана е преполна со хидрогенизирани масти, рафиниран шеќер и адитиви. Секако, не треба да се претерува со свинската маст, исто како и со секоја друга намирница. Но, ако е произведена природно, секако може да ја збогати исхраната.
Од дамнина, свинската маст е позната и како природен лек за ублажување на кожни тегоби, дишни и ревматски болести. И денес се препорачуваат домашни балзами, облози и други лекови на база на свинска маст.
Готвењето со растителни масла како сончогледовото ослободува токсични хемикалии, кои се директно поврзани со ракот и дури и со дегенерација на мозокот. Свинската маст, путерот, кокосовото и малсиновото масло се подобар избор, сметаат британските научници. Со нивното користење се создаваат помали количини алдехиди, а најздраво од сите нив е кокосовото масло. За време на загревањето на растителните масла, како што е пченкарното, сончогледовото, палминото и соиното се ослободуваат хемикалии наречени алдехиди, кои се поврзани со разни облици на рак и невродегенеративни болести како Алцхајмеровата болест.
