Лимонот е популарно цитрусно овошје кое најчесто се користи за правење напитоци и преливи за салати, а ретко се јаде самостојно за разлика од, на пример, портокалите и мандарините. Претставува добар извор на витамин Ц и флавоноиди кои придонесуваат за подобро здравје.
– Го намалува ризикот од мозочен удар: според една 14-годишна американска студија во која учествувале 70 000 жени, личностите кои јаделе најмногу цитрусно овошје имале за 19 отсто помал ризик од исхемичен мозочен удар во однос на оние кои јаделе малку овошје.
– Спречува развој на хипертензија: една јапонска студија, исто така, покажала дека жените кои секојдневно користат лимон во исхраната имаат понизок крвен притисок отколку оние кои не јадат лимон.
– Го забавува стареењето на кожата: витаминот Ц од лимонот го поттикнува создавањето колаген кој е од клучна важност за превенцијата од брчки. Овој витамин како и другите антиокдисанти кои ги содржи лимонот се борат против загадувањето и оштетувањата кои настануваат како резултат на УВ зрачењето.
– Помага во превенцијата на астма: истражувањата покажуваат дека личностите кои внесуваат поголемо количество одредени нутритиенти, меѓу кои е и витаминот Ц, го намалуваат ризикот од развој на астма. Една студија, исто така, покажала дека витаминот Ц ги ублажува симптомите кај личностите со астма кога ќе добијат настинка.
– Ја подобрува апсорпцијата на железо: недостатокот на железо е еден од главните причини за анемија и меѓу најчестите недостатоци на нутритиенти во развиените земји. Консумирањето намирници богати со железо во комбинација со витамин Ц ја подобрува способноста на организмот да го апсорбира железото од храната.
– Го зајакнува имунитетот: храната богата со витамин Ц и флавоноиди, како што се лимонот и останатите цитруси, го јакне имунитетот и го намалуваат ризикот од настинка и грип.
